تواسيني واناا الميت وحالـي يجبـر الدمعـات
تسيل من التي فيني وتبكي وهـي تواسينـي
واناا ابكي واتنهد وارسـم بالحـزن لوحـات
تجبروني عشان امشي ورجلـي مـا تمشينـي
قتلت رعايتي بأيدي .. قتلت الحـب والرحمـات
حرمت النفس من حقها واناا ابكيها وتبكينـي
وكنه حلم قدامي يقيدنـي مـن الصرخـات
ابي اصحى ولكني عجزت القى ال يصحينـي
فداك القلب ياحبيبتي ومهما قلت مـن كلمـات
صغيرة في كبر حقك بـس اتمنـى تعذرينـي
نهبت الفرح من بيتي صحيح اني خسيس الذات
صحيح اني ولد طايش وكل ما أسمعـه فينـي
تجول عيونهم فينـي تفصـل منـي قياسـات
وتشيح وجوههم عني وكنـي غيـرت دينـي
يظنوا حزنهم اكبر وهم اصحـاب هالمأسـآة
واناا اتحدى اذا فيهم ربع مـا يحتـرق فينـي
نقص قدري بعد موتك وغابت نشوة اللـذات
وصـار الهـم عكـازي اباكيـه ويباكينـي
عطيتيني بدون حساب ولا سمعتك تقولي هاات
واناا اشرب حيل من دمك ودمك ما يكفينـي
ياحبيبتي ارجعي كافي اريد اجلس معك لـو لحظـات
واقبل ايدك وافرش لك رمش عينـي
ياحبيبتي ما تحملهم يقولوا فات مـا قـد مـات
تعالي غيري هالقول واطيعـك باقـي سنينـي
واترك عادة التدخين وانفذ ما تريدي بسكـات
واصلي الفجر في المسجد قبل منتي تصحينـي
ياحبيبتي ارجعي تكفين وطفـي شمعـة الآهـاات
اريدك انتي ولا غيرك علـى موتـك تعزينـي
وضميني وداويني مثل مـا كانـت الهقـوات
ما اريد احدن يواسيني اريدك انتـي تواسينـي
دخيلك بس لا تبكي اذا شفتي بي الدمعـات
انـاا مقـوى ابكيـك اذا انتـي تبكيـنـي |
بداية
